Світовый конґрес Русинів орґанізує на Словакії Меджінародный културно-освітній літній табор, котрый буде проходити на Сниньскых рыбниках. Русиньскый табор про діти од 9 до 13 років з меджінароднов участьов зачне 20-го авґуста. Ґарантом проєкту є Владимір Противняк, председа комісії про ґранты і турістіку при Світовім конґресі Русинів. Родічі і діти, котры мають інтерес о табор, найдуть інформації на сайті Русиньской оброды на Словеньску.
(Анна Кузмякова)