Одгадом може дві тісячкы обывателів і дальшых активістів вчера звучным протестом перерушыли мітінґ ĽSNS перед історічнов радницьов в Левочі. Транспарентами, звучным криком і писканям дали порозуміня ясну незгоду з політиков, котру тота партія представує. З даву было чути  крічаня „стоп фашізму“, „нехочеме вас ту“, „насилность ніч нерішыть“ і так далше. ĽSNS мітінґ перерушыла з тым, же люди в даві суть заплачены. До центра історічного міста прийшли і стовкы Ромів, котры тыж высловили свою незгоду з мітінґом і єдночасно з політиков даной парламентной партії. На протестній акції в Левочі брали участь і представителі многых політичных партій.  (TASR, Pkf)