Пряшівскый самосправный край (ПСК) мать амбіцію іншталовати на своїх середніх школах фотоволтічны сістемы. Обіцяє собі од того енвіроменталный і економічный вклад. Пресаґентуру  TASR о тім інформувала говоркыня ПСК Даша Єленьова з тым, же в рамках проєкту Solaris Scholarum їх хоче дати до пятьох выбраных школ. Вступ до проєкту одобрили уж і крайскы посланці. На його реалізацію хоче ПСК жадати ненавратный фінанчный вклад через вызву Словацькой іновачной і енерґетічной аґентуры  (SIEA),  котра є посередницькым орґаном Проґраму Словакія. Предпокладаный келчік проєкту є вырахуваный на скоро 463.000 евр. Такым способом бы ся споминаный проєкт реалізував  в рамках обєкту Середньой промысловой  школы технікы і дізайну в Попраді, в  Середній промысловій школі в Снині, в Середній одборній школі (СОШ) технічній в Старій Любовні, СОШ технічній в Гуменнім і в СОШ політехнічній і служеб арм. ґен. Людвіка Свободы у Свіднику. (TASR, Pkf)