Одстраньованя стромів пошкодженых сніговов каламітов з драг третьой класы часточно обмеджіть транспорт в окресі Вранів над Топльов. Днесь ліквідачны роботы засягли драгу меджі Матяшков і Руськов Вольов, слідуючій тыждень будуть обмеджіня меджі Детриком і рекреачнов областьов Домаша Добра. Інформовав о тім пряшівскый Крайскый поліцайный директоріат. Драга меджі Матяшков і Руськов Вольов бы мала быти днесь часточно заперта до 15.30 пополідне. О тыждень бы мали быти подобно довгы часовы обмеджіня на дразі з Детрика на Домашу.

(Медвідь, TASR)