Председа Пряшівского самосправного края (ПСК) Мілан Маєрськый скликав 25. засіданя Заступництва ПСК на 18-го новембра 2025-го р., на 10.00 годину в Пряшові. Главныма пунктами проґраму будуть ключовы фінанчны і стратеґічны документы края. Посланці  будуть діскутовати о пропозиції розрахунку ПСК на рокы 2026 – 2028 і становіском главного контролора. Їднати  буде ся і о управі тогорічного розрахунку і о общіх завязуючіх наряджінях (VZN), конкретно о признаваню дотацій з властных джерел ПСК. У звязку з тым  будуть схвалены і вызвы на предкладаня жадостей о дотації на рік 2026, вєдно з парцітіпатівным розрахунком і рiшыньом потравиновой доступности. (TASR, Пкф)