Представителі русиньскых сел і міст Словакії і Україны підписали пакт о сполупраці
В просторах СНМ-Музея русиньской културы в Пряшові ся вчера одбыла вызначна подія. Председове орґанізацій Громады сельскых і містьскых представителів русиньскых сел і міст Словакії і Поляньска сельска громада, Закарпатьской області Україны підписали договор про партнерску сполупрацу за літерами котрой будуть вєдно розвивати сполупрацу в сфері громадьскых інтересів, орґанізацій та інштитуцій сел і міст Словакії та Україны з цільом дружбы і порозуміня, котра вецей уможнить глибшому познайомліню із животом населеня обідвох країн і буде помагати їх господарьскому і соціалному розвою. За Поляньску сельску громаду, Закарпатьской області Україны підписав даный договор єй председа Іван Дрогобецкый а за Словакію Моніка Рогальова, председничка Громады сельскых і містьскых представителів русиньскых сел і міст Словакії, котра окрем іншого про наше радійо Русин.фм повіла, “підписаня даной догоды про нас значіть много. Іде о сполупрацу як в області културы і шпорту , в області наукы, туризму а передовшыткым в області захованя ідентичності і културы сіл і міст нашого реґіону. Хотіли бы сьмёе тыж надвязати тым пактом сполупрацу з партнерами зо Закарпатьсёкой області Україны.“
(Кімак-Фейко)
Фото: Кімак-Фейко
-
Назад / Nazad Людмила Шандалова выдала нову книжку про дітей
-
Далше / Dalše З Гуменьской школкы буде Дім про сеніорів