Словаци мають найвекшый страх з ростучіх цін і інфлації, боять ся тыж сітуації в словацькім здравотницьтві. Страх з войны на Україні ся у них понижує. Выходить то з юлового дослідженя  Як ся мате Словакія? Збераня дани ся одбыло од 18-го до 22-го юла на взорці 1000 респондентів. В ряді 15-те дослідженя указало, же люди на Словакії фурт веце мать страх з ростучіх цін енерґій і інфлації, є їх аж 86,3 процента, ставу словацького здравотницьтва 82,8 процента і войны на Україні 70 процентів. Значный страх чують обывателі Словакії і з популаріты екстремістичных і антісістемовых ґруп на Словакії (67,2 percenta) і з приходу утеченців (69,4 percenta). З пандемії нового коронавірусу мать страх 53,1 процента респондентів. (TASR, Pkf)