Новыма підпредседами Пряшівского самосправного краю ся стали Йозеф Лукач, Петер Бізовскый і Мартін Якубов. Зістане так кількость підпредседів крайской самосправы із попереднього волебного періоду. Троїцю підпредседів схвалили депутаты Пряшівского самосправного краю на своїм понедільковім засіданю. Депутаты на своїм першім робочім засіданю встановили і новый засідачій порядок, план засідань на тот рік і склад комісій зрядженых коло заступительства ПСК.
(Петро Медвідь)