На своїм понедільковім засіданю пряшівскы крайскы посланци схвалили купліня 80-процентной сполувластницькой часті в історічній будові Босаковой банкы в Пряшові за 2,9 міліона евра. На тот крок Пряшівскый самосправованый край (ПСК) возьме увер у вышці 2 міліоны евра, а решту зафінансує з маєтковой резервы. Дотеперь край властнив єдну пятину  будовы банкы і выужыв своє передкупне право. Як повів ведучій одбору фінанцій Уряду ПСК Петро Макара, же край снажыв ся о купліня споминаной будовы веце як десять років. В будові планує алоковати Інтегрованый транспортный сістем Выход, котрый є в тім часі в Кошыцях і хочуть, абы кланцеларія была і в Пряшові. Вєдно з ним там остане і Енерґетічна аґентура, котра є актуално  в аренді, і мала бы ся там пересунути і Реґіонална розвойова аґентура. Будова, котра ся находить на крижоватці Главной і Левочской улиці, є названа на почесть банкаря Міхала Босака і є народнов културнов памятков.  Джерело фотоґрафії: Facebook/Michal Bosak (TASR, Pkf)