На вшыткых одділінях Факултного шпиталю з поліклініков Й. А. Реімана в Пряшові платить од вчерайшого дня аж до одкликаня заказ навщів. Стало ся так у звязку із згоршуючов ся епідеміолоґічнов сітуаційов і то зо звышіньом акутных респірачных захворінь. Інформовав о тім шпиталь на своїй веб-сторинці. На основі выїмкы суть поволены навщівы в призначеных сітуаціях. Тыкать ся то главно навщів у пацієнтів в паліатівній старостливости і у умираючого, а то на основі поволіня прімаря. В припаді несподіваного згоршіня ставу пацієнта в часі шпытельской поготовости може навщіву дозволити лікарь в службі. Выїмка ся односить і на навщіву священика з цільом выслугованя святостей. (TASR, Пкф)