Дім соціалных служеб в Стропкові розросне ся о нове заряджіня підпорованого бываня. Пряшівскый самосправный край (ПСК) в понедільок 2-го юна передав ставбу зготовительови. Будованя має тырвати 12 місяців. Цілкова інвестіція є понад 1,3 міліона евр, з чого 1,3 міліона іде з Плану обновы і одолности. Нове заряджіня звекшыть капаціту Дому соціалных служеб і дасть цілорічне бываня про 12-ох кліентів із менталным і тілесным зневыгодніньом. Натеперь тот дім, котрого зряджовательом є ПСК, дає цілорічну форму бываня про 66 кліентів, котры мають проблемы з псіхіков, справованьом ці змысловым зневыгодніньом.

(Медвідь, TASR)