Пряшівскый самосправный край пожадать о дотацію на проєкты повязаны з піднятьом енерґетічной господарности будов. Підпредседа ПСК Штефан Біеляк інформовав, же поданя жадостей в понедільок 7-го апріля схвалило Заступительство ПСК. Цільом є здобыти дотацію з Енвіроменталного фонду СР в рамках такзваного Модернізачного фонду на обнову крайскых будов у Кежмарку, Левочі, Осаднім, Гуменнім і Свіднику. В Осаднім бы ся за веце як три міліоны евр мали обновити будову Дому соціалных служеб. В Гуменнім бы ся мала затеплити Ґумназія ґенерала Людвіка Свободы. Знижіня енерґетічной затяжи будовы Школы умелецького промыслу у Свіднику бы мало стояти далшых коло 5,26 міліона евр.

(Медвідь, TASR)