Пряшівскый самосправный край (ПСК) зачав з номінаціями на актуалный 20-річник найвысшого крайского оцініня Ціна Пряшівского самосправного края 2024. Вызначны особности ці колективы реґіону може окрім председы і посланців за вынятковы заслугы номінувати і шырока публіка. Послідній час на подаваня пропозицій є 30-ый септембер. Наше інтернетове радіо русин.ФМ о тім інформувала говоркыня края Даша Єленьова. Ціна ПСК ся каждорічно призначує словацькым жытелям, чуджім штатным представникам, єднотливцям і колектівом за їх довгочасовый і вынятковый вклад про розвой Пряшівського края. Славностный ґалапроґрам ся уж традічно одбуде на кінці рока в децембрі. Ближшы інформації і формулярі к номінації на оцініня Ціна Пряшівского самосправного края 2024 суть доступны на інтернетовім сайті края. (Pkf)