Мотів бойовати є абсолутнов основов справедливой войны. Першый Чеськословеньскый армадный збор, але і вояци Червеной армады точно знали, за што боюють. Председа влады Роберт Фіцо то повів в неділю у своїм выступліню на Дуклі з нагоды 81. выроча Карпатьско-дукляньской операції. Люде были, подля його слов, мотівованы тым, же знали о звірствах націзму. Карпатьско-дукляньска операція была найвекшов і найкырвавішов битвов лінії выходного фронту, споєнов з теріторійов Словакії. Войска Червеной армады і Першого чеськословеньского армадного збору в часі операції натрaфили на твердый одпор німецькых войск. Уточна операція, котра мала споїти повсталецькы силы СНП зо совітьскыма войсками, тырвала од 8-го септембра 1944 до 28-го октобра 1944. (TASR, Пкф)