Місто Свіднік здобыло в рамках стратеґії Мiстьного розвоя керуванов комунітов (CLLD) в проґрамовім періоді 2014 – 2022 підпору про пять проєктів в цілковій сумі веце як 215.500 евр. Як інформовала ПР манaжерка міста Свідник Крістіна Тхірова, фінанції спрямoвали до меншых, но важных оправ публічных просторів і шпортовой інфраштруктуры, котры приспіли к поліпшіню якости жывота жытелів. Зо жрідел Проґраму розвоя реґіону были підпорены штирі проєкты в цілковій сумі пересягаючой 182.600 евр і з Інтеґрованого реґіоналного операчного проґраму єден проєкт в сумі скоро 32.900 евр. Місто так інвестовало в рамках єднотливых проєктів до 50-тысяч евр до ревіталізації пішой зоны, частковой реконштрукції просторів на футболoвім штадіоні,  оправы амфітеатру, модернізації мултіфункчного гріска при Основній школі Карпатьска і до звышованя безпечности формов будованя барєр і новых пішників. (Пкф)