Ставбы двох частей ціклотрас в окресі Снина передали зготовительови в понедільок пополідне в ареалі Рококового каштеля в Стащіні. Іде о проєкт Пряшівского самосправного краю – Poloniny Trail, котрого цільом є вытворіня ціклооругу в Народнім парку Полонины. Іде о выбудованя двох ціклотрас, конкретно частей Старина – бывше село Руське в довжці 14,2 км, і Стащін в довжці 8 км. Цільом той інвестіції, підпореной з европскых грошей, є выбудованя 87 км довгого ціклоокругу в Народнім парку Полонины. На події окрім іншого брали участь председа ПСК Мілан Маєрьскый і веце представителів Европской комісії і Світовой банкы.

(Медвідь, TASR)