Словакія зачала минувшый тыждень тестовати на новый тіп коронавірусу жытелів ромскых марґіналізованыx комуніт, першорядо тых, котры мають путовательску анамнезу і вернули ся домів споза граніць. Премєр Матовіч в тых комунітах видів можливы огниска інфікації. У четверь 9-го апріля ся тестовало і в ромскій комуніті в місті Меджілабірці. Довєдна было тестованых 21 людей. Як інфoрмовало місто Меджілабірці на своїм офіціалнім сайті на сіті Facebook в неділю вечур, вшыткы тесты были неґатівны і так ся не потвердила інфікація в містній комуніті Ромів.

(Медвідь)