Пряшівска універзіта в Пряшові, Центер языків і култур народностных меншын, Інштітут русиньского языка і културы інформують, же про епідемію коронавірусу тогорічный 11-ый річник Меджінародной літньой школы русиньского языка під назвов Studium Carpatho-Ruthenorum 2020 не буде. Меджінародна школа русиністікы ся мала одбывати  в днях од 7-го юна до 27-го юла. Як інформовала Анна Плішкова, директорка Інштітуту русиньского языка і културы, зрушіня є повязане з цілосвітовов сітуаційов, бо на літню школу приходять штуденты зо Севереной Америкы і далшых країн світа, але і з тым, же Пряшівска універзіта є од зачатку пандемічной сітуації про штудентів заперта. (Anna Kuzmiakova)