Пряшівскый самосправный край (ПСК) уж познать переможны проєкты врамках Вызвы партіціпатівный розрахунок. Вырішыла о них шырока публіка своїм SMS голосуваням. Такым способом підпореных буде 13 проєктів з цілкового чісла 33. Край на їх реалізацію поможе сумов 130-тісяч евр, причім каждому успішному жадательові дасть на реалізацію проєкту суму 10-тісяч евр. О споминанах проєктах вырішыло скоро 43-тісяч платных SMS голосів. Найвеце з них достав – 9820- проєкт з окресу Пряшів – Гроб і памятник про ненароджены діти. Завдякы фінанчной підпоры ПСК буде наприклад выбудованый і пішник около храму в Пакоставі, зреконштруована фасада на ґрецькокатолицькім храмі в Чабинах, в Чірчі знова при фарьскій будові выбудоване місце на паркованя і пішник, або у Варехівцях буде обновленый ґрекокатолицькый храм. (Pkf)