В неділю 2-го новембра в селі Крижі, філіалнім селі ґрекокатолицькой парохії Ґерлахів, Бардейовского окресу, одбыло ся посвячіня обновленого Храму Покровы Пресвятой Богородіці. Обновленый быв інтерьєр і єкстерьєр храму, а так само престол iз балдахіном a кивот. Посвятив обновлену церьков Высокопреосвященый владыка Йона Максим, пряшівскый архієпіскоп і митрополіта. На торжестві окрем множества людей брали участь і священици Грабского протопресвитеріату. Владыка подяковав ся вшыткым, котры на торжество пришли, а головно тым донорам і добродітелям, котры будьякым способом брали участь на обнові храму.

(Медвідь, ISPA)