В неділю 10-го мая в базиліці мінор в Лютині одбыла ся архієрейска літурґія, при котрій пряшівскый ґрекокатолицькый архієпіскоп і метрополіта Словакії Йоан Бабяк уділив діаконьске рукополіжіня двом новым діаконам Пряшівской архієпархії. На діаконів были в неділю рукоположены Любош Павлишіновіч і Петер Лешко. Інформовав о тім Інформачный центер Пряшівской архієпархії. Тогорічны діаконьскы рукоположіня будуть проходити у веце термінах, жебы на них годны были брати участь родины кандідатів, і єдночасно были сповнены вшыткы гіґєнічны і протиепідеміолоґічны наряджіня, котры суть повязаны з пандемійов коронавірусу.

(Медвідь, ISPA)