x

В Михалівцях є епідемія осыпок

00

В Михалівцях была вчера выголосена выняткова сітуація з причины епідемії осыпок. Сітуація ся зачала згоршувати кінцьом минулого тыждня, од пятниці 6.07. до неділі 8.07. было в Міхалівцях зазначено 25 припадів осыпок. На імпульз директокы Реґіоналного уряду общого здравотницьтва СР быв скликаный кризовый штаб, котрый сітуацію моніторує. В данім часі, за інформаціями пресовой аґентуры ТАСР, на інфекчнім одділіню в михалівскім шпиталю поки є недостаток ліжок. Дотуляться то пацєнтів у віку од 0 до 54 років. Осыпкы належають до найнаказлівiшых переносных охворінь. Скоро ся шырять воздухом – квапочковов інфекційов і інфекчным аєросолом, котрый ся творить при кашлі і кыхані. Вступныма воротами суть верхні дыхачі дорогы і споївкы.
(TASR)