Вєдно 71 штудентів середніх школ умелецького промыслу (ŠUP)  оцінили у вівторок в змагані ÚSVIT – ціна за штудентскый дізайн 2022 в просторах Словеньского технічного музеа (STM) – Музея Солівар в Пряшові. Цілоштатне змаганя в області дізайну орґанізує ŠUP в Пряшові од школского року 2019/2020 в сполупраці з музеом. До актуалного рочника ся залучіло 15 словацькых і дві ŠUP з Чеськой републикы вєдно з веце як 500 вытварныма творами. Як про пресаґентуру TASR увела діректорка ŠUP в Пряшові Лінда Плочіцова, цільом змаганя є главні спропаґувати умелецьке школство на Словакії. Перше місце в катеґорії “найпортрет“ отримала в тім року Маріа Речічарова з Тренчіна, як найліпшу “ілустрацію“ порота означіла роботу Крістіны Яношковой з Пряшівськой ŠUP, в катеґорії 3D дізайн здобыв перше місце Трістан Тврди зо  SŠUP Žilina і найліпшу рекламу і анімацію в актуалнім рочнику вытворила Марґарета Матушова зо ŠUP Тренчін.  Ціну Топ Талент 2022 призначіли  Любомірові Матяшові з домашньой ŠUP, ціну PSK здобыв Андрей Ґажі зо SŠUP Топольчаны і цінов пріматоркы Пряшова оцінили Alexandru Adamíkovú a Barboru Solíkovú, обідві зо ŠUP Тренчін. (TASR, Пкф)