В неділю 27-го новембра навщівив Ґрекокатолицьку парохію блалженого священомученика Павла Петра Ґойдіча в Старій Любовні владыка Петро Руснак, апостольскый адміністратор Пряшівской архієпархії. Преосвященый посвятив в храмі, котрый є присвяченый русиньскому мученикови, новый іконостас. По посвячіню слідовала торжественна літурґія, на котрій окрім домашнього адміністратора парохії Йозефа Попика брали участь і далшы священици, пріматор міста Стара Любовня Любош Томко, запрошены гості і віруючі парохії, якы святкованя зачали вже день скоріше молитвов вечурні і гостинов – аґапе. Парохія блаженого священомученика Павла Петра Ґойдіча выникла выділіньом з ціломістьской парохії, котру справують редемпторісты, в році 2009. Храм быв збудованый у 2015-ім році.

(Медвідь)