Словакія достане з Европской унії 69 міліонів евр на ІІ. етапу северного обключіня міста Пряшів і проєктову документацію скоростной драгы R4 в дальшых етапах. Ознамив то вчера на пресконференції міністер транспорту Йозеф Раж, котрый навщівив Пряшівскый самосправный край з нагоды поклепаня основного каміня  обключіня Сабінова. Подля інформацій міністра транспорту фінанчны средства з Европской унії здобыла Словакія в сильній конкуренції меджі стовками проєктів як другый найуспішнішый што до вышшкы передодобреной підпоры. Цілый тяг R4 на теріторії Словакії є найважнішым корідором европского вызнаму, котрого цільом є перепоїти Балтійске, Чорне і Еґейске море поздовш выходной границі Европской унії. (Pkf)