Народна крімінална аґентура при засягу в Гуменнім затримала єдну особу. Протікорупчна акція мала тайну назву STAR. В Гуменнім было выголосене выберове конання на функцію містьского поліцайта. Пріматор міста прото вытворив выберову комісію. Тота мала мала зробити оцінку успішных абсолвентів. Єден з єй членів комісії мав але зволити свойску методу выберу. Вырішувати немав в колектівнім орґані, але на парковіску при “особнім“ поговорі меджі штирьма очами. Од єдного з кандідатів мав жадати 1200,- евр, як уплаток. Тот му мав быти наслідні переданый в коперткі перед будовов Містьской поліції. Згодно мав поступовати і в припаді дальшого кандідата, но прямо у своїй канцеларії, де мав собі попросити 2000,- Евр. За уплаток собі мали купити приятя за містьскых поліцайтів. Досліджователь обвинив з корупції дві особы. В припаді доказаня вины грозить їм за злочін трест однятя слободы на пять аж 12 років. (Pkf)