Ціклотрасы в Полонинах діставають в тых днях нове означіня. Неприбыткова орґанізація Aevis так хоче зліпшыти існуючу інфраштруктуру про тых, котры ходять до реґіону на ціклотурістіку, повіла про пресову аґентуру TASR проєктова манажерка орґанізації Зузана Бурдова. Обнова кресленого означіня і доповньованя ціклотурістічного прямованя ся реалізує на вшыткых ціклотрасах з  окресу Снина до окресу Меджілабірці. То значіть од Ціклоходника уменя, котрый споює Сниньскый каштель з Музейом модерного уменя Енді Варгола в Меджілабірцях. Як конкретізовала Бурдова, іде о десять ціклотрас з довжков скоро 263 кілометрів.  (TASR, Pkf)