Зреконштруованы просторы історічной радніцї в Левочі буде справовати Спішскый музей – СНМ. Вырїшыли о тім кінцём минулого рока містьскы посланцї, котры схвалили пронаём цїлого обєкту за сімболічне евро рочнї. Режійны наклады на справу будовы понесе музей. Інштітуція планує першый шток радніцї хосновати як головный комунікачный простор з навщівниками. Увела то директорка Спішского музея Даша Угарчекова Павукова.  На першім штоцї бы ся по новім мали продавати вступенкы, взникнути там мать і центер про лекторьску службу. В зрядженім інфоцентрї буде продайня пропаґачного матеріалу і публікацій а музейна кавярня буде навщівникам служыти на освіжіня. Остатны просторы будуть вывжыты на презентації і выставны місця, додала Угарчекова Павукова.

(TASR, Шутіова)