Прeдседа Пряшівского самосправного края (ПСК)  продовжує у своїх робочіх драгах, вчера, 23-го апріла навщівив окрес Кежмарок. Главным цільом была стріча з партнерами і жытелями. Діскутовали о реалізованых проєктах і будучіх планах про реґіон. Жупан Мілан Маєрскый оцінив конштруктівны імпулзы про дальшу співпрацю. В окресі ся планують інвестіції за 22,8 міліонів евр, включно  обхвату Великой Ломніці і реконштрукціями драг. Край проінвестує до інфраштруктуры драг 6,3 міліонів евр і до оправ мостів 1,15 міліона евр. В соціалній области є поданый проєкт на розшыріня Центра соціалных служб Кежмарок за 1,16 міліона евр. До школства ПСК проінвестовав скоро 17 міліонів евр, актуално проходить реконштрукція будинків ґімназії і школы умелецького промыслу за 13,4 міліона евр. Веджіня края собі перевірило реалізацію праць, котры мають быти готовы в році 2026. Председа навщівив і Музей в Кежмарку і Основну школу М. Р. Штефаніка, де ся планує прибудованя за 3,6 міліона евр. (TASR, Pkf)