Шандарї в дакотрых окресах Пряшівского краю зазначіли в остатнїх тыжднях веце проб жыванів вытяжити з міморядной сітуації а прижывити ся на доходцох. Жывани контактують сеніорів а хотять їм подля говорю Крайского директорства Поліцайного збору в Пряшові Іґора Павліка наприклад міряти теплоту, нукають їм вшелиякы лїкы, дезінфекції і рушка. ,,Сеніорів докінця ословують, жем їм зроблять накуп і жадають пінязї до переду. Поліція зато упозорнює головно старшых людей, жебы никому не давали пінязї допереду а в припадї потребы в першім шорі ословили родину, сусідів і людей, котрых знають. Шандарї зарівно припоминають, же жаден здравотник не ходить домів міряти теплоту. Здравотницкый і дезінфекчный матеріал є найлїпше куповати лем в лекарнї і в дроґерії,“ увів Павлік. Поліція тыж жадать обчанів, жебы не впущали до своїх обысть незнамых людей, котры пробують знеужыти сучасну сітуацію.

(TASR, Шутіова)