Пряшівськый самосправный край ся як першый представить в рамках серії осіннніх презентачных подій у Відні. Завтра го в просторах Гофбурского палаца одкрыє посол і стабілный представитель СР при Орґанізації про безпечність і сполупрацу в Европі Радомір Богач, вєдно з председом ПСК, Міланом Маєрьскым. Як інформує Міністерство заграничных справ і европскых діл СР, іде о подію, котра давать можность словацькым самосправным краём простор на презентацію їх културы, традичной кухні, звыків, як і можности рекреації ці туристичного руху в даных реґіонах. „Навщівници ся можуть тішыти нелем на выставу фотоґрафій під назвов Ідь і фоть – накрайшы снімкы Пряшівского края, але і презентацію реґіоналной кухні і реґіоналного вина. Музичный допровод події буде забезпечувати музичный педаґоґ і выробця музичных інштрументів Михал Сметанка,“ приближує резорт діпломації. (TASR, Pkf)