x

Русиньска оброда днесь вырішує о Світовім конґресі Русинів

00

Днесь, 17-го януара в Музею русиньской културы у Пряшові ся одбывать перше тогорічне засіданя Выконного выбору Русиньской оброды на Словеньску. Окрем інформацій о минулорічній роботі, презентації поданых проєктів на тот рік,  членове выбору говорять о приправі Коордіначного выбору і Сейму Русиньской оброды на Словеньску. Орґанізацію в тім році очекує святкованя многых вызначных юбілеїв. Зато в проґрамі засіданя веде ся діскусія о приправі юбілейногого 15-го Світового конґресу Русинів, котрый буде проходити наСловакії у першый юловый вікенд, але і 20-ый річник Духновічового Пряшова, то є цілословацькый конкурз в русиньскій декламації, День Русинів, музичный конкурз Співы мого роду і многы далшы події. (A. Кузмякова)