x

Словацькый Червеный крест в Гуменнім в новій будові

00

Теріторіалне общество Словацького Червеного креста в Гуменнім буде мати властный мултіфункчный центер. В попередніх днях став офіціалным довгодобым арендантом єдной із трьох будов бывшой обходной академії на Вігорлатьскій уліці. Червеный крест ся в контракті завязав, же нехоснованый обєкт на властны вытраты зреконштруує. Інвестіцію з очекованым розрахунком понад 100 тісяч евр бы мав гуменьскый Червеный крест стигнути до року 2025, інформовала директорка Сілвія Кнапікова. Гуменьска орґанізація мала веце причін здобыти нову мултіфункчну будову. Дотеперь мали лем дві канцеларії в такзваній Здруженій будові, но діялность Червеного креста є шырокоспектрална, кедьже робить з дітми, молодежов, а має і много соціалных теренных актівностей.

(Медвідь, TASR)