Русины, Словаци і Чехы 28-го октобра зышли ся у Свіднику з нагоды посвячіня памятника, котрый є присвяченый сторічніці вынику Чехословацькой републікы. Новый памятник стоїть на місці попереднього памятника, котрый у Свіднику стояв од 1928-го до 1954-го року. Поставили го Русины зо Свідника з нагоды 10-ой річніці заснованя републікы. У 1954-ім році быв памятник при реконштрукції розобраный і до сучасной подобы на тім самім місці ся дістав аж по 64 роках. Фінанції на його выбудованя были выділены з розрахунку міста Свідник. Памятник посвятили свідницькы священици. Одкрыли го представитель вельвысланецтва Чеськой републікы на Словакії Владимір Шал і пріматор Свідника Ян Голодняк. На святочнім одкрытю памятника брав участь і посланець Народной рады СР Миколай Крайковіч, містьскы посланці і запрошены гості.
(Медвідь)