У віці 65 років днесь в ночі вмер председа Европского парламенту Давід Сассолі, котрый быв од 26-го децембра госпіталізованый в шпыталю в Італії. Аґентурі DPA то потвердив його говорця Роберто Куілло. Председа европарламенту вмер подля німецькой радіо станіці Deutsche Welle по „важных комплікаціях“ в повязаню з його імунітнов сістемов. Сассолі быв родаком із Флоренції, в 1970-ых роках выштудовав політолоґію. В Італії быв знамый головно як новинарь, котрого робив од 1980-ых років. До політікы вступив аж в році 2009, коли став членом центрістічно-лівіцьовой Демократічной партії і быв зволеный до Европского парламенту. Председом европарламенту быв од 2019-го року.

(Медвідь, TASR)