Село Чертіжне в окресі Меджілабірці ся вдяка енерґетічным проєктам не боїть здорожованя енерґії. Iінвестічным акціям, котрых цільом мало быти знижованя енерґетічной затяжености сельского маєтку, ся зачали в селі заподівати іщі в році 2015. Минулорічный розрахунок за енерґії быв меншый, як третинова ціна з того часу, кедь з шпоровливыма кроками зачінали. Повів то про аґентуру TASR староста Чертіжного Петро Трічак. „Выходить то наяво главні теперь, кедь енерґії ідуть горі. Рахую, же мы ся дістанеме все під уровень рока 2014“ – додав Трічак. (TASR, Pkf)