Ізраїльскый премєр Бенямін Нетанягуа і його центрістичный супер Бенні Ґанц ся як бы то учули в сліпій улиці, протоже ани єден небуде мати легку путь к вытворіню влады. По зрахуваню 95-процентів голосів одовзданых у предвечерайшых вольбах о тім інформувала телевізія Решет 13 і дальшы ізраїльскы медія. За одгадом центрістична партія Модра і біла, веджена колишнім началником ґенералного штабу Ґанцом, здобуде 33 зо 120 кресел в парламенті і Нетанягуова партія Лікуд 32. На процента шак Модра і біла веде перед Лікудом лем слабо. Будучім ізраїльскым премєром ся з найвекшов правдеподобностьов стане тот кандідат, котрый докаже вытворити з даякыма партіяюми коаліцію так, абы мала в парламенті 61 кресел, то значіть векшыну. (TASR, Pkf)