Австралска поліція вчера обвинила молодшого з атакуючіх з плажі Бонді в Сідней зо спаханя терорістічного акту, 15 припадів вражды і много далшых карных актів. Інформовала о тім аґентура АFР. Саід Акрам і його 24-річный сын Навід спустіли в неділю пальбу на людей, котры ославовали жыдівске Свято світла (Ханука), і 15 з них вмерло. Саіда Акрама поліція при засягу застрілила, його сын быв тяжко пораненый і упал до комы, з котрой ся меджічасом перебрав. Навіда Акрама обвинили цілково з 59 карных актів. Меджі нима є єден припад спаханя терорістічного акту і 15 припадів вражд. Окрім того мав допустити ся убліжіня на здравю з умыслом забити, дати бомбу до будовы або в єй близькости, ці тыж выстрілити зо стрілной зброї і выставити вонка терорістічный сімбол. (TASR, Пкф)