Чеська армада зачне в суботу в ареалї пражского выстависка Летняны ставляти дочасный польный шпыталь з капацітов 500 постелей. Інформовала о тім у четверь телевізія ČT24 з одкликанём ся на чеського міністра внутрішнїх дїл Яна Гамачка, котрый є зарівно председом головного крізового штабу. Постелї додать Справа штатных гмотных резерв ЧР. Персонал і выбавлїня забезпечіть армада, причім докторів можуть додати і директоры шпыталїв. Як повів Гамачек іщі в середу, підвышіня кількости постелей і здравотницкого персоналу є найвысша пріоріта влады. Подля сучасных одгадів грозить, же концём октобра країна ,,наразить на ліміты здравотной старостливости“.

(TASR, Шутіова)