Америцькый презідент Джов Байден ознамив, же пожадав Конґрес о далшых 33 міліард доларів на поміч Українї. Шеф Білого дому повів, же то ,, не є тунє“ рїшіня, але Вошінґтон ся не може лем так призерати російскым ,,зверствам і аґресії“ против сусіднёму штату. Кієву хоче дати і заморожены фінанції російскых оліґархів. TASR справу перевзяла од аґентур  AFP i Reuters. Подля телевізії CNN мать быти з нового балика фінанчной помочі становленых на воєньску поміч аж 20 міліард доларів. Асі 8,5 міліарды бы мало іти на господарьску поміч а три міліарды будуть придїлены на додаточну гуманітарну поміч ці фінанцованя потравиновой безпечности.

(TASR, Шутіова)