Близко діпломатічной зоны в Баґдадї допали дві ракеты
00
![](https://www.rusyn.fm/wp-content/uploads/2020/03/bagdad.jpg)
Найменше дві ракеты тіпу катюша допали у четверь вечур до области прісно страженой тзв. Зеленой зоны в ірацкім головнім містї Баґдад, де сідлять владны уряды і діпломатічны місії враховано амбасады США. З одкликанём ся на здрої з окружіня поліції о тім інформовала аґентура Ройтерс (Reuters). Єдна з них допала в близкости вступу до Зеленой зоны а друга недалеко турецькой амбасады, додав здрой. Безпечностна сітуація ся в Іраку згоршыла по забитю іраньского ґенерала і велітеля єдноток Кудс Касема Солейманіго, котрый загынув 3.януара при утоку америцького дрону недалеко меджінародного летїска в Баґдадї.
(TASR, Шутіова)
-
Назад / Nazad В турецькім парламенті ся сторгнула битка,
-
Далше / Dalše Еґіпт зась сприступнив ступнёвиту Джосерову піраміду