x

Булгарія послала на граніці з Турційов вояків

00

Булгарія в понедільок послала на свої граніці з Турційов 350 вояків, жебы помогли гранічній сторожи звладнути роснучу волну міґрантів. Інформовала о тім аґентура AFP. Подля даных булгарьского міністерства внутрішніых справ на теріторію Булгарії од зачатку того рока вступило нелеґално 6500 особ. Іде о трикратне нароснутя в порівнаню з першыма девятьома місяцями попереднього року. Через Булгарію іде єдна із головных міґрачных трас. Булгарьско-турецька граніця має 259 кілометрів, єдночасно є вонкашньов граніцьов Унії. Хоронить єй пліт з колячого дроту, но тот є подля аґентуры AFP часточно пошкодженый.

(Медвідь, TASR)

Прочітайте собі / Pročitajte sobi