Посланцї австрійского парламенту схвалили у четверь новелу закона передложену владов, подля котрой буде вступ на културны і шпортовы подїї, як і до шпыталїв і готелів можный лем з неґатівным резултатом тесту на коронавірус SARS- CoV-2. Інформовала о тім аґентура AFP. Новелу з припомінками підпорили вшыткы парламентны страны з вынятком слободных. Заты зоставать отворене, про котры области буде тест пожадованый а котры тесты будуть узнаны. Подля міністра здравотництва Рудолфа Аншобера то буде залежне од вывоя пандемії.

(TASR, Шутіова)