Скоро 500 помічных робітників на фармі в баворьскім місті Маммінґ мусіли іти до карантены по тім, што ся там коронавірусом наінфіковало 174 осіб. Інформувала о тім аґентура DPA з одкликаням ся на містьтных представителів. Як увели представителі окресу Дінґолфінґ-Ландау до карантены ішло вшыткых скоро 480 робітників – ізолованы суть і тоты, у котрых ся інфікація коронавірусом  SARS-CoV-2 непотвердила. Розсягле тестованя на захворіня COVID-19 ся одбыло на фармі по тім, што было насамый перед на коронавірус позітівні тестованых сім осіб. (TASR, Pkf)