x

В Парижі жыє аж 3000 бездомовців

00

У французькім головнім місті Парижі прожыває актуалні скоро 3000 бездомовців. Прийшло ся на то розсяглым зрахуваням, котре ся одбыло в ночі з 15. фебруаря за помочі 1700 добровольників і скоро 300 урядників. Выслідкы зрахуваня опублікував вчера паріжскый маґістрат, інформує о тім аґентура ДПА. Цілкове чісло зареґістрованых людей без стріхы над головов є 2952, причім їх найбівше чісло было зазначене в релатівні худобнішій северовыходній часті метрополы. Зрахувано было їх там аж 727. Добровольниці одночасно зреалізували меджі бездомовцями дослідженя дотуляюче ся їх способу жывота і здравотных проблемів. Здобыті дані планує соціалістична старостка Парижа Анне Гідалґова імплементувати при творіню ліпшой політикы заміряной на поміч людям, котры ся найдуть на улиці.
(TASR)

Прочітайте собі / Pročitajte sobi