Польска влада є знепокоєна розшырюваням осыпок, котры в посліднім часі зазначіли в мазовскім войводстві в централній часті країны, де є і метропола Варшавы. Тамтешні уряды людей призывають, абы против даному інфекчному захворіню дали заскіпіти себе і свої діти, інформувала о тім аґентура АП. Польскый міністер здравотницьтва Лукаш Шумовскій на пресконференції повів, же вшыткых 17 послідніх припадів інфекції осыпками в данім войводстві запричинило якраз то, же родичі свої діти недали заскіпіти. Осыпкы належать меджі найважнішы захворіня дітьского віку, котры суть причинов частых комплікацій – запалів продушків, плюц і централного нервового сістему.
(TASR)