Споєны штаты дадуть можность жадати азіл лем тым міґрантам, котры ся реґіструють на граніцях а перейдуть так через офіціалный гранічный переход. Особы, котры до країны прийдуть ілеґално, будуть депортованы.У четверь то повів америцькый презідент Доналд Трамп з тым, же ся уж на далшый тыждень зберать выдати декрет, котрый коріґує правила iміґрації. Трамп тоже попередив, же вояци, котры будуть на граніцях з Мексіком бы могли стрїляти на міґрантів зо середнёамерицькых штатів, котры в сназї перейти ілеґално через граніцї на них будуть метати каміня або скалы.
(TASR, Цітрякова)