Тгайскый премєр Прают Чан-о-ча вчера ознамив, же 32-річный вояк при соботняйшій масовій стрільбі в місті Накхон Ратчхасіма забив 26 людей і дальшых 57 поранив. За словами премєра было конаня вояка мотівоване „особным“ проблемо. За інформаціями аґентуры AFP тым проблемом быв  продай дому. Тгайскый премєр Прают приобіцяв, же вшыткы кошты повязаны із лічіньом пораненых заплатить його влада. Атакуючого в неділю рано по може 17 годинах тырваючой драмы і неуспішнім договорёваням застрілили членове тгайскых безпечностных служб. Стало ся так в містьнім накупнім центрі, де ся наконець забарікадував. (TASR, Pkf)