Чеська влада вчера вырішыла, же од 12-го апріля ся до школ вернуть школярі першого ступіня основных школ і діти матерьскых школ. Інформував о тім справодайскый портал iDNES.cz. Подля пропозиції міністрів школства Роберта Плаґу і здравотницьтва Яна Блатного одбуде ся  навернуня школярів першого ступіня  подля ротачного прінціпу. То значіть, же бы ся школярі по тыждні вычеряли. Затля што єден клас буде в часі тыждня в школі, другый буде в тім самім часі дома. Наслідуючій тыждень то буде наспак. К даному плану мать шак претензії премєр Андрей Бабіш, припоминать iDNES.(TASR, Pkf)