Америцька віцепрезідентка Камала Гаррісова офіціално здобыла номінацію америцькой Демократічной партії за їй кандідатку до новембровых презідентьскых волеб. Выходить то із резултатів віртуалного голосованя делеґатів демократів, котре закінчіло ся в понедільок вечур містного часу. Номінацію Гаррісова офіціално прийме за зъїзді партії, котрый буде проходити 19-го аж 22-го авґуста в Чікаґу. В новембровых презідентьскых вольбах так стане протикандідатков републіканьского кандідата і експрезідента Доналда Трампа. Урядуючій демократічный презідент Джов Байден одступив в попереднім місяці з боя до зновузволіня, і підпорив якраз свою віцепрезідентку Камалу Гаррісову.

(Медвідь, TASR)